იუსტიციის მინისტრმა თეა წულუკიანმა მართლმადიდებელთა საპარლამენტთაშორისო ასამბლეის განათლებისა და კულტურის კომიტეტის წევრთან, იორდანიის ჰაშიმიტური სამეფოს ქრისტიან პარლამენტარ ატეფ ქავართან,  შეხვედრა გამართა.

სამინისტროს ინფორმაციით, თეა წულუკიანი სტუმარს  იუსტიციის სამინისტროს მიერ გატარებულ რეფორმებზე ესაუბრა და საქართველოს გამოცდილება გაუზიარა კორუფციის პრევენციის, სერვისების განვითარების, ღია მმართველობის, საკანონმდებლო რეფორმების კუთხით.

უწყების ცნობით, იორდანიის პარლამენტის წევრი ქართული რეფორმებით არის დაინტერესებული. იორდანია იუსტიციის სისტემის რეფორმირების დაწყებას გეგმავს, ამდენად მისთვის საქართველოს გამოცდილება ამ კუთხით ძალიან მნიშვნელოვანია. სწორედ ამიტომ გამოთქვა ატეფ ქავარმა იუსტიციის სამინისტროს ხელმძღვანელობასთან შეხვედრის სურვილი.

იუსტიციის სამინისტროში ვიზიტამდე იორდანიის სამეფოს პარლამენტარი თბილისის იუსტიციის სახლს ესტუმრა და სერვისცენტრი დაათვალიერა, სადაც მომხმარებელს  200-ზე მეტი სახელმწიფო სერვისის მიღება სწრაფად და კომფორტულად შეუძლია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს