ზალკალიანი: აშშ-ში ვიზიტი მნიშვნელოვანია, ეს არის პირველი კონტაქტი ახალი პრეზიდენტის ადმინისტრაციასთან

2017-02-09 14:04:26, 2104 ნახვა

პოლიტიკა კომენტარი

საგარეო საქმეთა მინისტრის მოადგილის დავით ზალკალიანის განცხადებით, მიხეილ ჯანელიძის ამერიკის შეერთებულ შტატებში ვიზიტი მნიშვნელოვანია, რადგან ეს აშშ-ს ახალი პრეზიდენტის ადმინისტრაციასთან პირველი კომუნიკაციაა.

მისივე განმარტებით, შეხვედრებზე ქართული მხარე ამერიკის ახალ ადმინისტრაციას ამერიკა-საქართველოს სტრატეგიული პარტნიორობის ყველა მიმართულებაზე საკუთარ ხედვას წარუდგენს:

„ეს იქნება მიხეილ ჯანელიძის პირველი ვიზიტი, რომლის დროსაც შედგება პირველი კონტაქტი ახალი ადმინისტრაციის წარმომადგენლებთან. მინისტრს დაგეგმილი აქვს შეხვედრა მის კოლეგა მაქს სტილერსონთან. ასევე დაგეგმილია ტრამპის მრჩეველთან უსაფრთხოების საკითხებში შეხვედრა. გარდა ამისა, შეხვედრები გაიმართება კონგრესსა და სენატში. ეს შეხვედრები გამოყენებული იქნება იმისთვის, რომ საქართველომ ამერიკის ახალ ადმინისტრაციას წარუდგინოს ჩვენი ხედვა ამერიკა საქართველოს სტრატეგიული პარტნიორობის ყველა მიმართულებაზე. ასევე დაიგეგმოს უახლოეს პერსპექტივაში ორმხრივი ურთიერთობის სტრატეგიული პარტნიორობის ქარტიით გათვალისწინებულ ყველა მიმართულებაზე კონკრეტული საქმიანობა. ეს ვიზიტი ძალიან მნიშვნელოვანია. ჩვენ გავივლით ყველა საკითხს. გვაქვს აშშ-სთან თანამშრომლობის ქარტია. წელსაც დაგეგმილია ამ მიმართულებით ყველა სამუშაო ჯგუფის შეხვედრა“,- აღნიშნა ზალკალიანმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან