საკრებულოსთან ძაღლების ევთანაზიის შესახებ მისაღებ გადაწყვეტილებას აპროტესტებენ

2015-03-29 21:55:17, 506 ნახვა

საზოგადოება

თბილისის საკრებულოს შენობასთან 20-მდე ცხოველების დაცვის ორგანიზაცია საპროტესტო აქციას მართავს. როგორც ისინი აცხადებენ, 30 მარტს თბილისის საკრებულო აპირებს მიიღოს დადგენილება, რის მიხედვითაც მიუსაფარი ძაღლები ევთანაზიას დაექვემდარებიან.

აქციის მონაწილეთა მტკიცებით, დადგენილების მე-8 მუხლში წერია, რომ მიუსაფარი და თავშესაფარში მყოფი ძაღლები მოკვდინებას დაექვემდებარებიან. აქციის მონაწილეთა შორისაა ოპერის მომღერალი თამარ ივერიც როგორც იგი აცხადებს ბოლომდე იბრძოლებს ძაღლების უფლებებისთვის.

"თუ დადგენილება მიღებული იქნება, მივმართავ ევროპის ყველა უფლებადამცველ ორგანიზაციას, ყველას შევაწუხებ, რომ პასუხი აგონ დადგენილების მიმღებმა დეპუტატებმა." - აცხადებს თამარ ივერი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან