ერაყში კემპ სფიჩერის ბაზაზე 1700 ახალწვეულის მკვლელობისთვის მსჯავრდებული 36 ადამიანი სიკვდილით დასაჯეს, - ამის შესახებ ადგილობრივი მედია იუწყება.

მედია საშუალების ინფორმაციით, ქალაქ თიქრითის მახლობლად მდებარე ყოფილ ამერიკულ ბაზაზე სამხედროების მასობრივი მკვლელობა 2014 წელს დაჯგუფება “ისლამური სახელმწიფოს” მებრძოლებმა ჩაიდინეს. ბაზაზე თავდასხმისას ძირითადად შიიტი კადეტები მოკლეს. 2014 წელს ჯიჰადისტებმა სამხედროების მკვლელობის ფოტოები და ვიდეოკადრები გაავრცელეს. ბაზაზე თავდასხმიდან 1 წლის შემდეგ კი ერაყის სამთავრობო ძალებმა მასობრივი სამარხები აღმოაჩინეს.

როგორც მედია წერს, კემპ სფიჩერის ბაზაში ჩადენილი სასტიკი დანაშაულისთვის 36 მსჯავრდებული ნასირიის ციხეში ჩამოახრჩვეს. ყველა მათგანი ერაყის მოქალაქე იყო. მათ სიკვდილით დასჯა მიმდინარე წლის თებერვალში მიუსაჯეს. რამდენიმე მსჯავრდებული ამტკიცებდა, რომ მასობრივი მკვლელობის დღეს ისინი თიქრითის მიმდებარე რაიონში არ იმყოფებოდნენ. ზოგიერთი კი აცხდებდა, რომ მათ აღიარებითი ჩვენების მიცემა წამების გზით აიძულეს.

კემპ სფიჩერის ბაზაზე ერაყელი სამხედრო მოსამსახურებიი იყვნენ. მას შემდეგ, რაც “ისლამური სახელმწიფოს” მებრძოლებმა ბაზას ალყა შემოარტყეს, კონტინგენტი იძულებული გახდა, ჯიჰადისტებს ჩაბარებოდა. ისლამისტებმა ტყვეებს შორის მყოფი შიიტები მიწაზე დააწვინეს და დახვრიტეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო