"სტამბოლის ათათურქის სახელობის საერთაშორისო აეროპორტზე ტერაქტში მონაწილე ორ პირს რუსეთის მოქალაქის პასპორტები აღმოაჩნდათ" - ამის შესახებ ინფორმაცია თურქულმა მედიამ გაავრცელა და ყირგიზეთის მთავრობამ დაადასტურა.

​როგორც სააგენტო Reuters-ს ყირგიზეთის საგარეო საქმეთა სამინისტროში განუცხადეს,  გამოძიების დროს თავდამსხმელების ცხედრებთან აღმოჩენილია ორი პასპორტი. საბუთები რაკიმ ბულგაროვისა და ვადიმ ოსმანოვის სახელზე იყო გაცემული.

მანამდე თურქეთის ხელისუფლებამ განაცხადა, რომ თავდასხმაში მონაწილე სამი თვითმკვლელი რუსეთის, უზბეკეთისა და ყირგიზეთის მოქალაქე იყო. ამასთან, თურქული მედიის ინფორმაციით, რუსეთის მოქალაქე წარმოშობით ჩრდილოეთ კავკასიიდან იყო, თუმცა აღნიშნული ცნობა ოფიციალურად არ დადასტურებულა.

გარდა ამისა, როგორც თურქული მედიის იტყობინება, თავდაპირველად თავდამსხმელები სტამბოლის ათათურქის სახელობის საერთაშორისო აეროპორტში ათობით მძევლის აყვანას გეგმავდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.