თურქეთის პრეზიდენტმა რეჯეპ ტაიპ ერდოღანმა სტამბოლში მომხდარ აფეთქებაზე პასუხისმგებლობა "ქურთისტანის მუშათა პარტიას" დააკისრა, - ამის შესახებ ინფორმაციას BBC ავრცელებს.

როგორც ერდოღანმა აღნიშნა, მისი ქვეყანა ბრძოლას ტერორისტების წინააღმდეგ ბრძოლას გამარჯვებამდე გააგრძელებს. თურქეთის პრეზიდენტის თქმით, მსხვილ ქალაქებში თავდასხმების განხორციელება თურქეთში აკრძალული "ქურთისტანის მუშათა პარტიის" ჩვეული ტაქტიკაა.

შეგახსენებთ, რომ სტამბოლის ცენტრალურ რაიონ ბეიაზიტ ვეზნეჯილერში მეტროპოლიტენთან ახლოს, დანაღმული ავტომობილი აფეთქდა.

ადგილობრივი მთავრობის ინფორმაციით, აფეთქების სამიზნე პოლიციის ავტობუსი იყო.

სტამბოლში მომხდარი აფეთქების შედეგად დაღუპულთა რაოდენობა 11-მდე გაიზარდა, სულ მცირე 36 ადამიანი დაშავებულია.

ცნობისთვის, თურქეთის ხელისუფლებასა და ქურთ ამბოხებულებს შორის სამშვიდობო შეთანხმება 2015 წლის ივლისში დაირღვა. "ქურთისტანის მუშათა პარტია", რომელსაც ანკარა ტერორისტულ ორგანიზაციას მიიჩნევს, ქურთთა ავონომიისთვის იბრძვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მსჯავრში მყოფი, აქციაში მონაწილე რუსეთის მოქალაქეები კარტის თამაშის გამო 5000-5000 ლარით დააჯარიმეს

რეჟიმმა ჯარის მოწამვლის საქმეში ბრალდებული „ბატონოსა“ და „კულას“ მფლობელი გაათავისუფლა

ივანიშვილის საგარეო მინისტრი - ბრიუსელის გადაწყვეტილებით, საქართველოსთან დიალოგი შეჩერდა

ფოტოგრაფი ალექსანდრ შიშკო ბელარუსში საქართველოდან დაბრუნებისას დააკავეს