ევროპა იპოვის უკრაინისთვის იარაღის შესაძენად 15 მილიარდ დოლარს. ამის შესახებ ნატო-ს გენერალურმა მდივანმა, მარკ რუტემ კიევში უკრაინის პრეზიდენტთან, ვოლოდიმირ ზელენსკისთან ერთობლივ პრესკონფერენციაზე განაცხადა.

კითხვაზე პასუხისას, თუ როგორ შეიძლება 15.5 მილიარდი აშშ დოლარის შეგროვება PURL პროგრამის დაფინანსებისთვის, რომელიც აშშ-ში იარაღის შესყიდვისთვის გამოიყენება, რუტემ განაცხადა, რომ ეს სახსრები ნამდვილად იქნება უზრუნველყოფილი.

“სრულიად დარწმუნებული ვარ, რომ ფული იქნება, ვინაიდან ყველამ ვიცით რამდენად კრიტიკული მნიშვნელობა აქვს…

ახლა მოკავშირეების ორი მესამედი მონაწილეობენ PURL პროგრამაში, მაგრამ ნამდვილად არის ფინანსური წონის გადანაწილების პრობლემა…

ახლა არიან ცალკეული ქვეყნები, რომლებიც ბევრს აკეთებენ, ბევრი რაღაცას აკეთებს, ხოლო მცირე ნაწილი არაფერს არ აკეთებს. მაგრამ ნამდვილად, საჭიროა დაფინანსების უკეთესი გადანაწილება, და ამაზე ვმუშაობთ,” - განაცხადა რუტემ.

მან აღნიშნა, რომ ცალკეული ერები, რომლებსაც საგრძნობი წვლილი შეაქვთ PURL პროგრამით შესყიდვებში არიან კანადელები, ნორვეგიელები, გერმანელები, შვედები და ბალტიის ქვეყნები.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა