2026-01-20 11:23:54, 541 ნახვა
პოლიტიკა
მალხაზ ამაღლობელი მზია ამაღლობელთან რუსთავის ციხეში შევიდა
მზია ამაღლობელს ისევ პატიმრის სტატუსი აქვს - დაპატიმრებულ ქალ ჟურნალისტთან ცოტა ხნის წინ რუსთავის ციხეში ძმა, მალხაზ ამაღლობელი 2-საათიან პაემანზე შევიდა. მან მთელი ღამე საპატიმროსთან გაათენა.
- ცნობისთვის მიხეილ ყაველაშვილმა ნათლისღების დღესასწაულთან დაკავშირებით გუშინ პატიმრები შეწყალა.
შეწყალების აქტს სინდისის პატიმრების ოჯახის წევრები და მსჯავრდებულები გუშინ დილიდან ციხეებთან თოვასა და სიცივეში ელოდებოდნენ, თუმცა "ოცნების" პრეზიდენტმა აქტი ღამის დაახლოებით 22:30 წუთზე გამოსცა.
ჯერჯერობით უცნობია, თუ ვინ შეიწყალა მიხეილ ყაველაშვილმა და მოხვდნენ თუ არა სიაში სინდისის პატიმრები.
ფოტო: ნეტგაზეთი
ავტორი: ექსპრესნიუსი,
epn.ge (@expressnews.ge)
