2016-03-27 21:32:20, 1026 ნახვა
მსოფლიო
პაკისტანში აფეთქებას 50 ადამიანის სიცოცხლე ემსხვერპლა, დაშავებულია 100-ზე მეტი ადამიანი
რამდენიმე წუთის წინ კიდევ ერთი აფეთქება მოხდა პაკისტანში.
"ალჯაზირას" ცნობით, ტერორისტული აქტი პაკისტანის ქალაქ ლაჰორში განხორციელდა. ამ დროის მონაცემებით, დაღუპულია 50 ადამიანი. ვრცელდება ინფორმაცია დაშავებულების შესახებაც, რომელთა რიცხვი 100-ს აჭარბებს.
ქალაქ ლაჰორში მომხდარ აფეთქებას ძირითადად ქალებისა და ბავშვების სიცოცხლე ემსხვერპლა.
გავრცელებული ინფორმაციით, თავი თვითმკვლელმა ტერორისტმა აიფეთქა. მომხდარზე პასუხისმგებლობა ჯერჯერობით არც ერთ ტერორისტულ ორგანიზაციას არ აუღია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
