პალესტინელი ოფიციალური პირის თქმით, „ჰამასი“ დათანხმდა აშშ-ის სპეციალური წარმომადგენლის, სტივ უიტკოფის წინადადებას ღაზაში ცეცხლის შეწყვეტის შესახებ, - ინფორმაციას Reuters-ი ავრცელებს.

გამოცემის ცნობით, „ჰამასთან“ დაახლოებულმა ოფიციალურმა პირმა Reuters-ს განუცხადა, რომ წინადადება, რომელიც ითვალისწინებს 10 მძევლის გათავისუფლებას და 70-დღიან ცეცხლის შეწყვეტას, ჰამასმა შუამავლების მეშვეობით მიიღო.

„წინადადება მოიცავს „ჰამასის“ მიერ დაკავებული 10 ცოცხალი ისრაელელი მძევლის ორ ჯგუფად გათავისუფლებას, 70-დღიანი ცეცხლის შეწყვეტისა და ღაზას სექტორიდან ისრაელის ჯარების ნაწილობრივი გაყვანის სანაცვლოდ“, - აღნიშნა წყარომ.

მისი თქმით, შეთანხმება ასევე მოიცავს ისრაელის მიერ რამდენიმე პალესტინელი პატიმრის გათავისუფლებას.

ამასთან, ისრაელის ერთ-ერთმა ოფიციალურმა პირმა უარყო, რომ წინადადება ვაშინგტონის მიერ იყო შეთავაზებული და დასძინა, რომ ისრაელის ვერც ერთი მთავრობა ვერ მიიღებს მას.

უიტკოფმა ასევე უარყო მოსაზრება, რომ „ჰამასმა“ მიიღო მისი შეთავაზება მძევლების გათავისუფლებისა და ღაზაში ცეცხლის შეწყვეტის შესახებ და გამოცემას განუცხადა, რომ ის, რაც ნახა, სრულიად მიუღებელია და მის მიერ შეთავაზებულ წინადადებას არ ემთხვევა.

ავტორი: ექსპრესნიუსი,

სოციალური ქსელები

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.