ლევან მურუსიძე: წინასწარ რატომ ლაპარაკობთ დევნაზე, შეიძლება დაიწყოს შეიძლება არა

2016-02-26 13:41:07, 887 ნახვა

კომენტარი

იუსტიციის უმაღლესი საბჭო მორიგ სხდომას მართავს.

საბჭოს წევრები დახურულ ფორმატში დისციპლინურ საჩივრებს განიხილავენ.

როგორც საბჭოს მდივანმა ლევან მურუსიძემ ჟურნალისტებს განუცხადა, დღევანდელ სხდომაზე საქალაქო სასამართლოს ყოფილი თავმჯდომარის მამუკა ახვლედიანის მიმართ შესაძლო დისციპლინური დევნის საკითხის განხილვა გათვალისწინებული არ არის.

"მე პირადად ჯერ გადაწყვეტილება ამ თემაზე არ მიმიღია. შესაბამისად, დღეს არ არის. წინასწარ რატომ ლაპარაკობთ დევნაზე, შეიძლება დაიწყოს შეიძლება არა, თუ გადაწყვეტილება იქნება მიღებული, ეს კონფიდენციალურია, მაგრამ ბატონი მამუკა ალბათ გაასაჯაროვებს.დღეს არის ჩვეულებრივი საბჭოს სხდომა, ვიხილავთ რიგ საკითხებს",-განაცხადა ლევან მურუსიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან