„პრეზიდენტს მინისტრების რა  სიაც უდევს დღეს მაგიდაზე, ის სია ედება 7 დღის შემდეგაც“, – ამის შესახებ იუსტიციის მინისტრის მოვალეობის შემსრულებელმა თეა წულუკიანმა ჟურნალისტებს მთავრობის ადმინისტრაციაში განუცხადა.  

მისივე  განმარტებით, მთავრობისთვის ტექნიკურად უფრო „კომფორტული“ იყო,  მინისტრთა კაბინეტის ახალი შემადგენლობა შაბათ–კვირას დამტკიცებულიყო. 

„პრეზიდენტთან კონსულტაცია ჰქონდა არაერთ დეპუტატს უმრავლესობიდან.  მასთან კონსულტაცია ჰქონდა პრემიერსაც. პრეზიდენტმა იცოდა, რომ მინისტრები მომავალ კვირას ქვეყნის ინტერესებიდან გამომდინარე, იმისთვის, რომ რიგის სამიტზე სწორი და პოზიტიური შეფასებები გაკეთდეს,  წასასვლელები ვიყავით. ამის შემდეგ უკვე  პრეზიდენტის უფლებაა, გამოიყენოს მისთვის კონსტიტუციით მინიჭებული 7 დღიანი ვადა. ის ამას იყენებს, ამაში საგანგაშო არაფერია. მას რა სიაც უდევს დღეს მაგიდაზე, ის სია ედება 7 დღის შემდეგაც და 7 დღის შემდეგ გადააგზავნის პარლამენტში. მანამდე  მთავრობა მუშაობას გააგრძელებს იმიტომ, რომ ძალიან სერიოზული მაისის თვეა ჩვენი ქვეყნის განვითარებისთვის. ჩვენთვის ტექნიკურად უფრო კომფორტული იყო, ახალი შემდგენლობა შაბათ–კვირას დამტკიცებულიყო, მაგრამ არც ეს არ არის პრობლემა“,– აღნიშნა თეა წულუკიანმა.  

ცნობისთვის, პრემიერ–მინისტრის მოვალეობის შემსრულებელმა ირაკლი ღარიბაშვილმა  დღეს მთავრობის ახალი შემადგენლობა დაასახელა . მან პრეზიდენტსა და პარლამენტს თხოვნით მიმართა, პარლამენტში ნდობის გამოცხადება დაჩქარებულ რეჟიმში მოხდეს. თუმცა,  გიორგი მარგველაშვილმა მთავრობის ახალი შემადგენლობის პარლამენტისთვის წარდგენა ერთი კვირით გადადო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო