შინაგან საქმეთა მინისტრი ვახტანგ გომელაური საქართველოში თურქეთის რესპუბლიკის ელჩ ზექი ლევენთ გუმრუქჩუს შეხვდა.

შსს-ს ინფორმაციით, შეხვედრა გაცნობითი ხასიათის იყო. საუბრის დასაწყისში თურქეთის ელჩმა ღრმა მწუხარება გამოხატა ქართველი პოლიციელის დაღუპვის გამო.

შეხვედრაზე მხარეებმა ორმხრივი თანამშრომლობის საკითხები, საქართველოს შინაგან საქმეთა სამინისტროს მიერ განხორციელებული რეფორმები და საკანონმდებლო ცვლილებები განიხილეს. შს მინისტრმა და ელჩმა ყურადღება გაამახვილეს რეგიონში არსებულ ვითარებაზე, ორი ქვეყნის სამართალდამცავი უწყებების ურთიერთთანამშრომლობის გაღრმავების პერსპექტივებზე.

გარდა ამისა, საუბარი შეეხო შავი ზღვის რეგიონში უსაფრთხოების საკითხებს და ამ კუთხით საქართველოსა და თურქეთის პოლიციური სტრუქტურების როლს. შეხვედრაზე ხაზი გაესვა ორ ქვეყანას შორის არსებულ ისტორიულ, მეგობრულ ურთიერთობებს და გამოიკვეთა ორმხრივი თანამშრომლობის განვითარების და გაღრმავების პერსპექტივები.

მინისტრმა საქართველოს სამართალდაცვითი სფეროს რეფორმირების პროცესში თურქეთის რესპუბლიკის თანადგომისთვის ელჩს მადლობა გადაუხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი