კანადაში, ქალაქ მონრეალში აჭარის ავტონომიური რესპუბლიკის მთავრობის წარმომადგენელთა ოფიციალური ვიზიტი მიმდინარეობს.

დელეგაციას აჭარის მთავრობის თავმჯდომარე არჩილ ხაბაძე ხელმძღვანელობს.

აჭარის მთავრობის პრესსამსახურის ინფორმაციით, ვიზიტის ფარგლებში დაგეგმილია შეხვედრები კანადის სოფლის მეურნეობის, მეთევზეობისა და კვების სამინისტროს, ასევე ეკონომიკის, ინოვაციებისა და ექსპორტის სამინისტროს წარმომადგენლებთან.

პირველი შეხვედრა ორგანიზაცია INVEST IN QUEBEC-ის ხელმძღვანელ პირებთან შედგა. შეხვედრაზე აჭარის მთავრობამ რეგიონის შესახებ პრეზენტაცია გამართა და კვებეკის რეგიონის პრიორიტეტულ დარგებს გაეცნო. შეხვედრაზე კანადური მხარე საქართველოს ჰიდრო რესურსით დაინტერესდა და ენერგო სექტორში ინვესტირების ხელშეწყობაზე ისაუბრა. ასევე, მხარეებმა განიხილეს სამომავლო თანამშრომლობა საგანმანათლებლო სფეროში.

სამთავრობო ვიზიტი 17 აპრილამდე გაგრძელდება.  კანადის მთავრობის წარმომადგენლებთან შეხვედრების დროს გაიმართება აჭარის ავტონომიური რესპუბლიკის კულტურის, ეკონომიკის, სოფლის მეურნეობის, განათლებისა და ტურიზმის სფეროში დაგეგმილი პროექტების პრეზენტაცია. ასევე მოხდება აჭარის ა/რ საინვესტიციო გარემოს შესახებ დეტალური ინფორმაციის მიწოდება. კანადაში ქართული დელეგაცია სხვადასხვა სამინისტროების მუშაობის სპეციფიკას, მიმართულებებსა და პრიორიტეტებს გაეცნობიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო