საქართველოს ფინანსთა მინისტრი ნოდარ ხადური ფიქრობს, რომ ეკონომიკური პრობლემების განხილვა და მოგვარება ნაკლებად პოლიტიზირებულ გარემოში უნდა ხდებოდეს.

ამის შესახებ ხადურმა დარგობრივი ეკონომიკური პოლიტიკისა და საფინანსო-საბიუჯეტო კომიტეტების გაერთიანებული სხდომის დაწყების წინ ჟურნალისტებს განუცხადა.

„მე მაინც ვფიქრობ, როცა ეკონომიკურ პრობლემებზეა საუბარი, ჯობია ერთად ვისაუბროთ, თუმცა ცხადია, უმჯობესი იქნებოდა, რომ ამ საკითხის განხილვა ნაკლებად პოლიტიზირებულ გარემოში ხდებოდეს და უფრო სამუშაო ვითარებაში, მაგიდის გარშემო, ციფრებით, მსჯელობით, ანალიზით. მე ვეჭვობ, რომ დღეს ამის საშუალება დიდად არ მოგვეცემა“, - განაცხადა ნოდარ ხადურმა.

ცნობისთვის, პარლამენტში დარგობრივი ეკონომიკის, ეკონომიკური პოლიტიკისა და საფინანსო საბიუჯეტო კომიტეტის გაერთიანებული სხდომა მიმდინარეობს, რომელსაც მთავრობის ეკონომიკური გუნდის წარმომადგენლები: ფინანსთა მინისტრი ნოდარ ხადური, ეკონომიკისა და მდგრადი განვითარების მინისტრი გიორგი კვირიკაშვილი, ეროვნული ბანკის პრეზიდენტი გიორგი ქადაგიძე, ასევე, საპარლამენტო უმრავლესობისა და უმცირესობის წევრები ესწრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი