არც ერთ გადაცემაში და ინტერვიუში არ მითქვამს, რომ მე მივდივარ პალრამენტიდან და შესაბამისად, ვტოვებ უმრავლესობის ლიდერის  თანამდებობას",-ამის შესახებ საპარლამენტო უმრავლესობის ლიდერმა დავით საგანელიძემ ჟურნალისტებს განუცხადა.

საგანელიძის განმარტებით,  მხოლოდ ის თქვა, რომ მომავალ საპარლამენტო არჩევნებში მონაწილეობას არ მიიღებს.

"არც ერთ გადაცემაში, არც ერთ ინტერვიუში  არ მითქვამს, რომ  მივდივარ პარლამენტიდან და მე ვტოვებ შესაბამისად უმრავლესობის ლიდერის თანამდებობას.მე ვთქვი, რომ მე არ მივიღებ მომავალ საპარლამენტო არჩევნებში მონაწილეობას",-განაცხადა დავით საგანელიძემ. 

ამასთან, საგანელიძე უმრავლესობაში დაპირისპირებას კატეგორიულად გამორიცხავს.

"უმრავლესობა იყო ასეთი, შევიდოდნენ ცხვრებივით ერთ დარბაზში და მერე ცხვრებივით გამოვიდოდნენ გარეთ. ეს იყო ისეთი ჰარმონიზირებული, ტკბილი, თბილი  და რა კარგია ასეთი უმრავლესობა. არა ბატონო, ღმერთმა დაგვიფაროს, უმრავლესობის სხდომაზე, ფრაქციის სხდომაზეც უნდა იყოს განსხვავებული აზრი, კამათიც, ხანდახან ხმამაღალი კამათიც იმიტომ, რომ  პარლამენტია ეს და არა საბავშვო ბაღი",-განაცხადა დავით საგანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს

ახალგორის რაიონში გადაადგილების საშვების გაცემა განახლდა - DRI

Starbucks-ი ოფიციალურად შემოდის საქართველოს ბაზარზე

სოციალური სამართლიანობის ცენტრი: პატიმრების კვება საქართველოში სერიოზულ კითხვებს ბადებს