პოლონეთის საელჩო თავის მოქალაქეებს აფრთხილებს, საქართველოში გამგზავრებამდე გაითვალისწინონ, არსებობს თუ არა ფაქტორები, რომლებიც მათთვის ქვეყანაში შესვლაზე უარის თქმის რისკებს ზრდის, მათ შორის, საელჩო დემონსტრაციებში მონაწილეობას და სოციალურ ქსელებში "გარკვეულ აქტივობას" ასახელებს.

"უცხოელებისთვის, მათ შორის ევროკავშირის წევრი ქვეყნების მოქალაქეებისთვის საქართველოში შესვლაზე უარის თქმის მრავალი შემთხვევის გამო, გთხოვთ, საქართველოში გამგზავრებამდე გაითვალისწინოთ, ინდივიდუალურად თქვენს შემთხვევაში არსებობს თუ არა ფაქტორები, რომლებიც ზრდის შესვლაზე უარის თქმის რისკს: ეს შეიძლება მოიცავდეს დემონსტრაციებში მონაწილეობას ან მათ სიახლოვეს ყოფნას, ასევე სოციალურ ქსელებში გარკვეულ აქტივობას.

შეგახსენებთ, რომ საქართველოს ხელისუფლებას აქვს სუვერენული უფლება, შეაფასოს უცხოელის შესვლის რისკ-ფაქტორები. უარის თქმის გადაწყვეტილება შეიძლება გავრცელდეს საქართველოს ბინადრობის მოქმედი ნებართვის მფლობელებზეც.

ასევე, გვსურს, აღვნიშნოთ, რომ დემონსტრაციებში თუნდაც სავარაუდო მონაწილეობისთვის, უცხოელებს შეიძლება მაღალი ჯარიმები დაუწესდეთ და საქართველოში ხელახლა შესასვლელად, შესაძლოა, დაუყოვნებლივ გადახდა გახდწეს საჭირო“ - წერია განცხადებაში.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო