პარლამენტში ლუკა კურტანიძის დეპუტატობის საკითხს მიმდინარე კვირას განიხილავენ

2015-02-17 11:41:47, 534 ნახვა

პოლიტიკა

ლუკა კურტანიძის საპარლამენტო უმრავლესობის წევრობის საკითხს, მიმდინარე კვირას განიხილავენ.

როგორც საპროცედურო საკითხთა კომიტეტის თავჯდომარემ გიორგი კახიანმა ჟურნალისტებს განუცხადა, აღნიშნულ კომიტეტში კურტანიძესთან დაკავშირებით ცესკოს მიერ წარდგენილ დოკუმენტაციას გაეცნობიან. იმ შემთხვევაში კი, თუ მასალები კანონმდებლობასთან შესაბამისობაში იქნება, კომიტეტი ბიუროს შესაბამისი დასკვნით მიმართავს. შემდეგ კი, საკითხს პლენარულ სხდომაზე განიხილავენ.

„ცენტრალური საარჩევნო კომისიიდან შემოვიდა მასალები, რომლის მიხედვითაც ადგილმონაცვლედ დასახელებულია ლუკა კურტანიძე. საპროცედურო საკითხთა კომიტეტი ამ მასალებს განიხილავს, შეისწავლის და თუ ეს მასალები კანონმდებლობასთან შესაბამისობაშია, უკვე ბიუროს შესაბამისი დასკვნით მივმართავთ“, – აღნიშნა კახიანმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან