საქართველოში რამდენიმე ნავთობიმპორტიორმა კომპანიამ საწვავის ფასი შეამცირა. ადგილობრივ ქსელებში ნავთობპროდუქტები 5-6 თეთრით გაიაფდა.

როგორც "ექსპრესნიუსს" კომპანია "ლუკოილის" გენერალური დირექტორის მოადგილემ შავლეგ მიშველაძემ განუცხადა, ადგილობრივ ბაზარზე საწვავის გაიაფება მსოფლიო ბაზარზე ნავთობპროდუქტებზე ფასის კლებამ გამოიწვია.

"მსოფლიო ბაზარზე მიმდინარეობს ფასების კლება, სასიხარულო ამბავია და ჩვენც შესაბამისად, ვცდილობთ, რომ რაც შეიძლება ოპერატიულად ავსახოთ და ავსახეთ კიდეც. დავიწყეთ ფასის კლება სხვადასხვა პროდუქტზე დაახლოებით ერთი კვირის წინ. 5-6 თეთრით შევამცირეთ ფასები ყველა ტიპის საწვაზე“, - განაცხადა შავლეგ მიშველაძემ.

ბენზინზე ფასები შეამცირა ,,სოკარ ჯორჯია პეტროლეუმმაც". კომპანიის ავტოგასამართ სადგურებზე ფასებმა ყველა ტიპის ბენზინის საწვავზე 5 თეთრით დაიკლო.

დღეიდან ბენზინზე ფასი 5 თეთრით შეამცირა "ვისოლმაც“. როგორც კომპანიაში აცხადებენ, ბოლო პერიოდში საერთაშორისო ბაზარზე ნავთობპროდუქტებზე ფასის კლების ტენდენციის გათვალისწინებით "ვისოლი" ფასებს უკვე მეორედ ამცირებს. გასულ კვირას ფასებმა კომპანიის ქსელში არსებულ დიზელის პროდუქტებზეც 5 თეთრით დაიკლო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული