ფოთის საზღვაო ნავსადგურში ვიზიტის შემდეგ, შვედეთის ქალაქ ოსტამარის დელეგაციის წევრები ქალაქ ფოთის მუნიციპალიტეტის საკრებულოს სხდომათა დარბაზში ფოთელ ბიზნესმენებსა და წარმოებითი სფეროს მესვეურებს შეხვდნენ. 
როგორც „ექსპრესნიუსს“ ფოთის მერიიდანა აცნობეს, ოსტამარის ვიცე-მერმა, ბატონმა იაკობ სპანგენბერგმა თავისი ქალაქის წარმოებით პოტენციალსა და ეკონომიკურ რეალიებზე ისაუბრა. 
კერძოს, მან აღნიშნა, რომ ოსტამარში კარგად არის განვითარებული მომსახურების, ვაჭრობისა და წარმოების სფეროები და ეკონომიკის ერთ-ერთ წყაროს ტურიზმი წარმოადგენს. 
ქალაქის მმართველობას მჭიდრო და პრაქტიკული ურთიერთობა აქვს მცირე და საშუალო ბიზნესის სექტორთან, რაც წარმატებისა და სოციალური კეთილდღეობის საწინდარია.
ოსტამარის ვიცე-მერმა ფოთელ ბიზნესმენებს შვედეთში ტრენინგების გამართვა შესთავაზა, რაც ხელს შეუწყობს ფოთში წარმოებისა და ბიზნესის განვითარების გაუმჯობესებას. იაკობ სპანგენბერგმა შეხვედრისას აღნიშნა, რომ საქართველოს და კერძოდ ქალაქ ფოთს, ხელთ აქვს ეფექტური შესაძლებლობა ევროკავშირთან ასოცირების შემდეგ, უფრო მაშტაბურად და მარტივად გავიდეს ევროპის ბაზარზე.
შეხვედრა ორმხრივი დიალოგისა და კითხვა-პასუხის რეჟიმში დასრულდა. გამოითქვა სურვილი თანამშრომლობისა და მეგობრული ურთიერთობის გაღრმავებაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი