მთავრობის ადმინისტრაციასთან  სამშენებლო კომპანია „დექსუსის“ და „ცენტრ პოინტის“  დაზარალებულმა მოქალაქეებმა აქცია გამართეს.

როგორც ადგილიდან „ექსპრესნიუსის“ კორესპონდენტი იუწყება, აქციაზე ერთ-ერთმა დაზარალებულმა ქალბატონმა თავის დაწვის მიზნით ბენზინი გადაისხა, თუმცა შემდეგ შეუძლოდ გახდა და პირველადი დახმარება სასწრაფო დახმარების   თანამშრომლებმა გაუწიეს.

როგორც დაზარალებულები აცხადებენ, მათ  წლების წინ მშენებარე კორპუსებში შეისყიდეს ფართები, რომელთა მშენებლობა ამ დრომდე შეჩერებულია.

აქციის მონაწილეები ითხოვენ, შესყიდული ფართების რეგისტრაციას, ზარალის ანაზღაურებას და მათი კუთვნილი ფართებით დაკმაყოფილებას.

როგორც დაზარალებულთა ადვოკატი მარინა კორძაძე აცხადებს, მათ განცხადება დღეს მთავრობის  ადმინისტრაციაში, საქალაქო სასამართლოში და მთავარ პროკურატურაში შეაქვთ. განცხადების თანახმად, ისინი მოითხოვენ სასამართლოში მოხდეს დაჩქარებული წესით საქმის არსებითი განხილვა, დაზარალებულებს გადაეცეთ შესაბამისი ფართები და სასამართლომ არ გააფორმოს კომპანიის წარმომადგენლებთან საპროცესო გარიგება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი