ამერიკული სერიალის "ზებუნებრივის" (Supernatural) ვარსკვლავი ჯარედ პადალეკი, ოსტინის ახალი კლუბის გახსნაზე დააკავეს, - ამის შესახებ tmz იუწყება. 

მედია საშუალების ინფორმაციით, პადალეკი საზოგადოებრივ ადგილში ალკოჰოლის ზემოქმედების ქვეშ ყოფნისთვის, საზოგადოებრივი წესრიგის დარღვევისთვისა და კაცზე თავდასხმისთვის პოლიციის განყოფილებაში გადაიყვანეს.

მედიის ცნობით, მსახიობს ჩხუბი ბარ Stereotype-ში მოუვიდა, სადაც მან ბარმენს დაარტყა ხელი. ინციდენტის შემდეგ, ის მეგობარმა გარეთ გაიყვანა და მის დამშვიდებას ცდილობდა, თუმცა პადალეკი მასაც ეჭიდავებოდა. 

გამოცემა წერს, რომ ადგილზე მისულ პოლიციას პადალეკიმ ფულის შეკვრა აჩვენა. პადალეკის გასათავისუფლბლად გირაო 15 000 დოლარის ოდენობით უნდა გადაეხადათ. ჯერ-ჯერობით უცნობია გამოუშვეს თუ არა მსახიობი. 

გარდა ამისა, TMZ-ი იტყობინება, რომ შესაძლოა პადალეკი ხსენებული ბარის ინვესტორიც იყო და ხაზს უსვამს იმ გარემოებას, რომ მსახიობი Stereotype-ს სისტემატიურად სტუმრობს. 

ცნობისთვის, მსახიობს პოპულარობა CW-ის სერიალ "ზებუნებრივში" შესრულებულმა როლმა მოუტანა, სადაც ის სემ ვინჩესტერს თამაშობს. სერიალი ეკრანებზე უკვე 14 წელია გამოდის და მე-15 სეზონით სრულდება. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო