„ინფორმაციის თავისუფლების განვითარების ინსტიტუტმა“ (IDFI) ამერიკის შეერთებული შტატების დაზვერვის ცენტრალური სააგენტოს (CIA) მიერ 1991 წელს იმდროინდელ საქართველოში არსებული ვითარებისა და ქვეყნის პირველი პრეზიდენტის, ზვიად გამსახურდიას შესახებ მომზადებული ანალიტიკური მოხსენებების ქართულენოვანი თარგმანი გამოაქვეყნა.

IDFI-ის ინფორმაციით, ისტორიული დოკუმენტები ჯერ კიდევ 2010 წელს გასაჯაროვდა. 

როგორც ტექსტშია აღნიშნული, ოპონენტები გამსახურდიას ავტორიტარიზმის დამყარების მცდელობაში ადანაშაულებდნენ. 

"დოკუმენტის მიხედვით, როდესაც გამსახურდიას მომხრეებს მისი გაპრეზიდენტება უხაროდათ, ოპონენტები აღნიშნავდნენ, რომ მისი გამარჯვება ავტორიტარიზმის დაბრუნების საფრთხეს შეიცავდა. ისინი ასევე ადანაშაულებდნენ პრეზიდენტს, სტალინის მსგავსი პიროვნების კულტის გაღვივებაში.

დოკუმენტში ნათქვამია, რომ მიუხედავად დამოუკიდებლობის პერსპექტივისა, საქართველოში შიდაპოლიტიკური არასტაბილურობა მატულობს. ოსებთან დაპირისპირებამ სერიოზული პრობლემები შეუქმნა საქართველოს მთავრობის საზოგადოებრივ იმიჯს. გამსახურდიას კონფრონტაციამ მოსკოვთან გაამძაფრა საქართველოს ეკონომიკური მდგომარეობა: იზრდება უმუშევრობა, შეიმჩნევა საკვებისა და ელექტორენერგიის დეფიციტი და მატულობს სამომხმარებლო ფასები", - აღნიშნულია ტექსტში. 

IDFI-ის ​ინფორმაციით, დოკუმენტები ასევე გამსახურდიას ბიოგრაფიულ დეტალებს შეიცავს, როგორც საზოგადოებრივ-პოლიტიკური მოღვაწეობის შესახებ, ასევე ინფორმაციას მისი ოჯახის შესახებ.

"CIA-ის მოხსენების მიხედვით, გამსახურდია გაეყარა პირველ ცოლს მას შემდეგ, რაც ის მისი და მისი მამის მოკვლის მიზნით სუკ-თან თანამშრომლობაში დაადანაშაულა. მისი მეორე მეუღლე პედიატრია. გამსახურდია უარყოფს ჭორებს, რომ მას მეუღლის მინისტრად დანიშვნა სურს. უკანასკნელ ინტერვიუში გამსახურდია აფიქსირებდა თავის აღფრთოვანებას რონალდ რეგანისდამი და შარლ დეგოლს თანამედროვე პოლიტიკოსის იდეალად მოიხსენიებდა< - ნათქვამია IDFI-ის თარგმანში. 

ინფორმაციას სრულად აღნიშნულ ბმულზე წაიკითხავთ: https://idfi.ge/ge/documents_from_cia

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი