თბილისის საკრებულოს დამოუკიდებელი დეპუტატი ალეკო ელისაშვილი „ექსპრესნიუსთან“ საუბრისას აცხადებს, რომ ის საკრებულოს ფრაქცია „ნაციონალური მოძრაობა- თბილისის“ ინიციატივას მერის უნდობლობის პროცედურის დაწყებასთან დაკავშირებით მხარს დაუჭერს.

„„ნაციონალური მოძრაობის“ ინიციატივას მერისთვის უნდობლობის გამოცხადების შესახებ შევუერთდები. გუშინ ნარმანიას საქციელი ბოლო წვეთი იყო.  თბილისის მერის ორწლიანი სრულიად უსუსური და უხერხემლო მმართველობის დროს ნარმანიას კიდევ ვიტანდით, მაგრამ როდესაც საკუთარ კაბინეტში ახალგაზრდა ბიჭს შეურაცხყოფას აყენებს, ეს ჩემთვის ბოლო წვეთი იყო. ეს კაცი არაფრად არ ვარგა, არაფერზე პასუხს არ აგებს და ამ დროს სტუდენტებსაც შეურაცხყოფას აყენებს. დროა დაიხუროს ქუდი და თანამდებობიდან წავიდეს“, - განაცხადა ელისაშვილმა.

შეგახსენებთ, რომ რომ საკრებულოს „ნაციონალური მოძრაობის“ წევრები თბილისის მერისთვის უნდობლობის გამოცხადების პროცედურას იწყებენ.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტომ კრუზი დაბრუნდება „ტოპ გან 3“-ში

Reuters: აშშ ირანში ოპერაციის გამო ევროკავშირის ქვეყნებში იარაღის მიწოდებას აჭიანურებს

იტალიაში ბანკის ძარცვის მცდელობისას 25 ადამიანი მძევლად აიყვანეს

პირველად მასწავლებლებსა და მასწავლებლობის მსურველებს სამი საგნის გამოცდაზე გასვლის შესაძლებლობა ეძლევათ