რუსი ოპოზიციონერის  ბორის ნემცოვის მკვლელობაში ეჭვმიტანილებს ზაურ დადაევს და ანზორ გუბაშევს მოსკოვის სასამართლომ ბრალი წაუყენა.  

ამის შესახებ ინფორმაციას რუსული მედია ავრცელებს.

მათივე ცნობით, ნემცოვის მკვლელობაში ერთ-ერთმა ეჭვმიტანილმა  ზაურ დადაევმა სასამართლოზე ბრალი აღიარა.

გავრცელებული ინფორმაციით, დადაევმა მკვლელობის მოტივად, ბორის ნემცოვის მიერ მუსლიმანობის საწინააღმდეგოდ გაკეთებული განცხადებები დაასახელა.

ეჭვმიტანილის აღიარებით ჩვენებას, ჩეჩნეთის ლიდერი რამზან კადიროვი ინსტაგრამის ოფიციალურ გვერდზე  გამოეხმაურა.

მისი თქმით, ის პირადად იცნობდა დაკავებულ ზაურ დადაევს, რომელიც  რუსეთის ნამდვილი პატრიოტი იყო.

„მე პირადად ვიცნობდი ზაურ დადაევს, ის რუსეთის ნამდვილი პატრიოტი იყო. ზაური  46–ე ბრიგადაში მსახურობდა და რუსეთის საწინააღმდეგოდ ნაბიჯსაც არ გადადგამდა“,-ნათქვამია კადიროვის განცხადებაში.

შეგახსენებთ, რომ მოსკოვში, რუსი ოპოზიციონერი ბორის ნემცოვი 27 თებერვალს, საღამოს, კრემლთან ახლოს ხიდზე 6 გასროლით მოკლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი