საქართველოს თავდაცვის მინისტრმა თინათინ ხიდაშელმა დიდი ბრიტანეთისა და ჩრდილოეთ ირლანდიის გაერთიანებულ სამეფოში  საქართველოს ელჩს უმასპინძლა. თამარ ბერუჩაშვილი დიპლომატიურ სამსახურს გაერთიანებულ სამეფოში 1 მარტიდან შეუდგება.
შეხვედრაზე განხილვის მთავარი თემა საქართველოსა და დიდი ბრიტანეთს შორის თავდაცვის სფეროში არსებული თანამშრომლობა და სხვადასხვა მიმართულებით ურთიერთობის გაღრმავება იყო. განსაკუთრებული ყურადღება გამახვილდა სამხედრო განათლების კუთხით დიდ ბრიტანეთთან თანამშრომლობაზე. მინისტრმა ელჩთან საქართველოს ევრო-ატლანტიკურ სტრუქტურებში დიდი ბრიტანეთის მხარდაჭერაზეც ისაუბრა.
„საკმაოდ დიდი პაკეტი გვაქვს დიდ ბრიტანეთთან ურთიერთობებში. ჩვენ სამხედროებს შესაძლობა აქვთ დიდი ბრიტანეთის საუკეთესო სკოლებში მიიღონ განათლება. ვთანამშრომლობთ ნატო-საქართველოს ერთობლივ პაკეტში. ორმხრივ ურთიერთობებში კი 2016 წლის სამოქმედო გეგმა ორი კვირის წინ დამტკიცდა,“ – აღნიშნა თინათინ ხიდაშელმა.
შეხვედრაზე განხილული თემები თამარ ბერუჩაშვილმა შეაჯამა: „ბრიტანეთი-საქართველოს ურთიერთობები თავდაცვის სფეროში განსაკუთრებული დინამიზმით ხასიათდება. ბრიტანეთი საქართველოს ევრო-ატლანტიკური პროცესების ერთ-ერთი ყველაზე უფრო მკაფიო და აქტიური მხარდამჭერია. თავდაცვის მინისტრთან დღევანდელი შეხვედრა, ძირითადად,  თანამშრომლობის იმ პრიორიტეტებს შეეხო, რომელიც საქართველო-ბრიტანეთის სამხედრო თანამშრომლობის დღის წესრიგში უკვე ფიგურირებს; ასევე შევეხეთ იმ სიახლეებს, რომელიც გვინდა შევიტანოთ მომავალი წლების განმავლობაში - ეს ეხება განათლების თემას, კადრების მომზადებას, მეტი ქართველი სამხერო ჩართულობას იმ ერთობლივ პროექტებში, რომელიც განხორციელდება; ასევე მაღალ და საშუალო დონეზე ვიზიტების დაგეგმვას, რომელმაც კიდევ ერთხელ ხელი უნდა შეუწყოს ჩვენი ორმხრივი პარტნიორობის განვითარებას სამხედრო სფეროში.“
შეხვედრის დასასრულს საქართველოს თავდაცვის მინისტრმა თამარ ბერუჩაშვილს საპასუხისმგებლო საქმეში წარმატებები უსურვა და აღნიშნა, რომ ბრიტანულ-ქართული ურთიერთობები კიდევ უფრო მეტ შესაძლებლობას შეიძენს, როდესაც საქართველოს გაერთიანებულ სამეფოში ელჩად ასეთი მარალი რანგის დიპლომატი ეყოლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი