დღეს, მუნიციპალიტეტის მერმა როლანდ ბერიძემ, საკრებულოს თავმჯდომარე ამირან ცინცაძესთან, პირველ მოადგილე იმედა ვასაძესთან, საკრებულოს წევრ ლევან ვერძაძესთან და ადმინისტრაციული ერთეულის წარმომადგენელთან რეზო ვარშანიძესთან ერთად მახუნცეთის ადმინისტრაციულ ერთეულში, სოფელ ზუნდაგაში დასრულებული მინი სპორტული მოედანი დაათვალიერა. ამის შესახებ ინფორმაციას ქედის მუნიციპალიტეტის მერია ავრცელებს.

როგორც ქედის მუნიციპალიტეტის მერია აცხადებს, მოწყობილი სპორტული ინფრასტრუქტურა ახალგაზრდებში ჯანსაღი ცხოვრების წესის დამკვიდრებას შეუწყობს ხელს.

"მერმა ყველაზე პატარა ფეხბურთელი დემეტრე ვარშანიძე გაახარა და დაპირებული ფეხბურთის ბურთი აჩუქა, რომელიც სპორტული მოედნის სარეაბილიტაციო სამუშაოების დაწყების დროს შეჰპირდა.

მინი სპორტული მოედნის პროექტის ფარგლებში რეაბილიტაცია ჩაუტარდა ღობეს, მოეწყო ხელოვნური საფარი და დამონტაჟდა განათება. თანამედროვე სტანდარტების შესაბამისი მინი სპორტული მოედანი განკუთვნილია, როგორც ფეხბურთის ასევე, კალათბურთის და ფრენბურთის სათამაშოდ. ბიუჯეტიდან 103 939 ლარია დაიხარჯა.

მიმდინარე წელს ინფრასტრუქტურული პროექტების ფარგლებში, დანდალოს ადმინისტრაციულ ერთეულში სოფელ გოგიაშვილებში და სოფელ ხარაულის ცენტრში მდებარე მინი სპორტულ მოედნებს ჩაუტარდა რეაბილიტაცია, რომლისთვისაც ბიუჯეტიდან 234 433 ლარი დაიხარჯა. 

ქედაში, სპორტული ინფრასტრუქტურის მოწყობა მომდევნო წელსაც გაგრძელდება", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი