შეერთებულ შტატებში სასამართლომ შვიდი წლითა და სამი თვით თავისუფლების აღკვეთა მიუსაჯა გაი რეფიტს, 2021 წლის იანვარში კაპიტოლიუმის შტურმის მონაწილეს.

პროკურორები რეფიტს 15 წლით თავისუფლების აღკვეთას ითხოვდნენ. პროკურატურის თქმით, მან მოუწოდა ბრბოს, გაეტეხათ პოლიცია და აირბინათ კიბეები შენობისკენ, ასევე ცეცხლსასროლი იარაღი შემოიტანა კაპიტოლიუმის მიმდებარე ტერიტორიაზე. უკვე სახლში დაბრუნებისას ის დაემუქრა შვილებს, თუ ისინი FBI-ს უღალატებდნენ.

რეფიტის ადვოკატებმა დაჟინებით მოითხოვეს, რომ ის თავად არ შეიჭრა კაპიტოლიუმის შენობაში და ასევე აღნიშნეს, რომ მან სამსახური დაკარგა 2019 წელს და, შესაბამისად, დეპრესიაში იყო. დაცვის მხარე ორი წლით თავისუფლების აღკვეთას ითხოვდა.

რეფიტი პირველი იყო კაპიტოლიუმის შტურმის საქმეში ბრალდებულთაგან, ვინც გამოძიებასთან გარიგება არ დადო.
აქამდე კაპიტოლიუმის შტურმისთვის მაქსიმალური სასჯელი ხუთი წლით თავისუფლების აღკვეთას ითვალისწინებდა.

საერთო ჯამში, საქმეში ბრალი წაუყენეს შვიდასზე მეტ სავარაუდო მონაწილეს. მათგან ათეულმა უკვე მიიღო სხვადასხვა პატიმრობა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო