2016-11-23 13:38:48, 643 ნახვა

---

კაპანაძე: ყველაფერს გავაკეთებ, რომ მეტი ნატო იყოს საქართველოში და მეტი საქართველო იყოს ნატო-ში

ჩემი ფუნქცია ახალ თანამდებობაზე იქნება, რომ შევძლოთ, რაც შეიძლება მეტი ნატო იყოს საქართველოში და მეტი საქართველო იყოს ნატო-ში, - ამის შესახებ შეიარარებული ძალების ყოფილმა ხელმძღვანელმა ვახტანგ კაპანაძემ განაცხადა. 

როგორც კაპანაძემ აღნიშნა, ის ქვეყნის სამხედრო ძალების განვითარებაში მაქსიმალურად იქნება ჩართული. 

"ჩვენ უკვე მჭიდროდ ვთანამშრომლობთ ალიანსთან. ჩემი ფუნქცია ახალ თანამდებობაზე იქნება, რომ შევძლოთ, რაც შეიძლება მეტი ნატო იყოს საქართველოში და მეტი საქართველო იყოს ნატო-ში. ამისთვის გამოვიყენებ ჩემს გამოცდილებასაც, ჩემს ცოდნასაც, ჩემს პირად ურთიერთობასაც არსებულ სამხედრო ისტებლიშმენტთან და შევეცდები გავაკეთო ყველაფერი საუკეთესო ჩვენი ქვეყნისა და ჩვენი შეიარაღებული ძალებისათვის", -აღნიშნა კაპანაძემ.

ცნობისთვის, ვახტანგ კაპანაძე, რომელსაც საქართველოს შეიარაღებული ძალების გენშტაბის უფროსის თანამდებობაზე ვლადიმერ ჩაჩიბაია შეცვლის, მუშაობას ნატო-ში გააგრძელებს.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი