"თვითმმართველობის  კანონის ამოქმედების  შემდეგ, პრაქტიკაში  მთელი რიგი ხარვეზები გამოიკვეთა", - ამის შესახებ საქართველოს პრემიერ-მინისტრმა ირაკლი ღარიბაშვილმა გუბერნატორებთან, მერებთან და გამგებლებთან შეხვედრის დასრულების შემდეგ ჟურნალისტებს განუცხადა.

მისივე თქმით,  შესაბამის უწყებებს უკვე დაავალა, რომ კანონში შესატან ცვლილებებზე მუშაობა დაიწყოს.

პრემიერის განმარტებით, საუბარია მთელი რიგი  პროცედურების გამარტივებაზე, რათა გამგებლებმა  მაქსიმალურად მოკლე დროში შეძლონ  გადაწყვეტილების მიღება და პროცედურებზე და ბიუროკრატიებზე დამოკიდებული არ იყვნენ.

"თვითმმართველობის  კანონის ამოქმედების  შემდეგ პრაქტიკაში  მთელი რიგი ხარვეზები გამოიკვეთა.მათი თხოვნაც იყო და ამის თაობაზე  უკვე დავავალე შესაბამის უწყებებს, რომ დაიწყოს მუშაობა კანონში შესატან ცვლილებებზე  შეიძლება გავამარტივოთ მთელი პროცედურები, რომ გამგებლებმა მაქსიმალურად მოკლე ვადაში შეძლონ გადაწყვეტილების მიღება და არ იყვნენ დამოკიდებული პროცედურებზე და ბიუროკრატიებზე",-განაცხადა ირაკლი ღარიბაშვილმა და აქვე დასძინა, რომ გუბერნატორებთან, მერებთან და გამგებლებთან შეხვედრა ტრადიციული იქნება და ის ყოველ 2-3 თვეში ერთხელ გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება