ყაზახეთის ქალაქ აქტობეში სპეცოპერაციის დროს ტერორიზმში ეჭვმიტანილი 5 პირი მოკლეს, - ამის შესახებ BBC ყაზახეთის ნაციონალური უსაფრთხოების კომიტეტის პრესსამსახურზე დაყრდნობით იუწყება.

როგორც უწყების განცხადებაშია ნათქვამი, 4 ეჭვმიტანილი საცხოვრებელი სახლის ბინაში მოკლეს მას შემდეგ, რაც ისინი პოლიციას არ ჩაბარდნენ და ცეცხლი გახსნეს.

კიდევ ერთი ეჭვმიტანილი ქალაქის სხვა რაიონში საპატრულო ეკიპაჟზე თავდასხმის მცდელობისას მოკლეს.

ყაზახეთის ნაციონალური უსაფრთხოების კომიტეტში აცხადებენ, რომ სპეცოპერაციის დროს სპეცსამსახურების ორი თანამშრომელი დაშავდა.

შეგახსენებთ, რომ 5 ივნისს აქტობის ცენტრში შეიარაღებული პირები იარაღის ორ მაღაზიას და სამხედრო ნაწილს დაესხნენ თავს და ექვსი ადამიანი მოკლეს. ქალაქში კონტრტერორისტული ოპერაციის რეჟიმი გამოცხადდა, რა დროსაც სამართალდამცველებმა 13 სავარაუდო თავდამსხმელი მოკლეს და 8 ადამიანი დააკავეს.

ყველა მათგანი ყაზახეთის მკვიდრია. ყაზახეთის პრეზიდენტმა ნურსულთან ნაზარბაევმა მომხდარს ტერორისტული აქტი უწოდა. ნაზარბაევის განცხადებით, “რადიკალური ფსევდორელიგიური მიმდინარეობის” წევრებმა ინსტრუქციები საზღვარგარეთიდან მიიღეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება