აჭარის უმაღლესი საბჭოს წევრი "ნაციონალური მოძრაობიდან" ასმათ დიასამიძე ფირობს, რომ მედეა ვასაძესა და სვეტლანა არშბაზე ზეწოლა განხორციელდა, რათა მათ აჭარის უმაღლესი საბჭოს თავმჯდომარის მოადგილის - დავით ბაციკაძის და საფინანსო-საბიუჯეტო კომისიის თავმჯდომარის - ალექსანდრე ჩიტიშვილის გადაყენებას მხარი არ დაუჭირონ.
სწორედ ამას უკავშირებს ასმათ დიასამიძე სვეტლანა არშბას შეუძლოდ გახდომასა და მედია ვასაძის ნერვიულობას.
"ვფიქრობთ, რომ საჭიროზე მეტი რაოდენობის ხმები უნდა იყოს. ამაზე მეტყველებს და ადასტურებს ის ბოლოდროინდელი განვითარებული მოვლენები, რაც ახლა რეგიონში ხდება. ქალბატონი მედეას და სვეტლანას ატირება არც ისე ადვილი იყო. შესაბამისად, ვფიქრობ, საკმაოდ დიდ ზეწოლებს ჰქონდა ადგილი და მოსყიდვების ფაქტებიც ვნახეთ. ვფიქრობ, რომ ისინი დღეს მხარს დაუჭერენ დავით ბაციკაძისა და ალექსანდრე ჩიტიშვილის გადაყენების საკითხს",-განაცხადა ასმათ დიასამიძემ.
აჭარის უმაღლესი საბჭოს თავმჯდომარის მოადგილის - დავით ბაციკაძის და საფინანსო-საბიუჯეტო კომისიის თავმჯდომარის - ალექსანდრე ჩიტიშვილის გადაყენების საკითხზე  უმაღლესი საბჭოს დღევანდელ რიგგარეშე სხდომაზე იმსჯელებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია