ქართული ოცნების დეპუტატი ირაკლი ქადაგიშვილი სინდისის პატიმრების მშობლებს "საკუთარი პატიმრით სპეკულაციაში" ადანაშაულებს.

ასე უპასუხა მან პარლამენტში ჟურნალისტების დასმულ კითხვას, რომელიც ქართული ოცნების პრეზიდენტის მიერ შეწყალების აქტის გამოცემას ეხებოდა. 

19 იანვარს მიხეილ ყაველაშვილმა ნათლისღების დღესასწაულთან დაკავშირებით 159 პირი შეიწყალა. შეწყალებულ პირთა სია არ ქვეყნდება, შესაბამისად, უცნობია, ვინ შეიწყალა ქართული ოცნების პრეზიდენტმა. მიუხედავად ამისა, სინდისის პატიმრების მშობლებმა ღამე საპატიმროებთან გაათენეს. 

ირაკლი ქადაგიშვილი ამტკიცებს, რომ რეჟიმის პატიმრების მშობლების მიზანი "არა შეწყალების მიღწევა, არამედ სპეკულაციის და სპეკულანტური, დაძაბული გარემოს შექმნა იყო".

"როდესაც რეალურად ვინმეს უნდა, რომ ვინმე შეიწყალოს, ქმედებები სხვანაირია. არც ელოდებიან და არც სურვილი ჰქონდათ. პატიმრის გულშემატკივრებს და მშობლებს როცა ადამიანის შეწყალება სურს, იქ სხვანაირი რიტორიკა და ქმედებები მიდის. ჩვენ პირიქით, სხვა რიტორიკას და ქმედებებს ვხედავდით მთელი ამ დროის განმავლობაში და მიზანი არა შეწყალების მიღწევა, არამედ სწორედ ამ სპეკულაციის და სპეკულანტური, დაძაბული გარემოს შექმნა იყო… ეს მიზანი ჰქონდათ, რომ საკუთარი პატიმრით სპეკულაცია გაეწიათ, რომ კიდევ ერთხელ სასპეკულაციო მასალა შეექმნათ საზოგადოებაში, თითქოს და, ხელისუფლების იმიჯის დასაზიანებლად", - თქვა ირაკლი ქადაგიშვილმა. 

ავტორი: ექსპრესნიუსი,

სოციალური ქსელები

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება

ბაზისბანკმა ლიბერთი ბანკის შეძენა წარმატებით დაასრულა