ბრიუსელში ბურსის მოედანზე ნაციონალისტებმა სოლიდარობის აქციის დაშლა სცადეს, - ამის შესახებ ინფორმაციას დასავლური მედია ავრცელებს.

ნიღბიანებმა იმ მანიფესტაციის შინაარსი გააპროტესტეს, რომელიც ტერორიზმის წინააღმდეგ უკვე 1 კვირაა ქალაქის ცენტრში იმართება.

რადიკალური ჯგუფის გაღიზიანებას, სწორედ ის ფაქტი იწვევს, რომ ტერაქტების შედეგად დაღუპულთა გლოვის ცერემონიალში მუსლიმებიც მონაწილეობენ.

როგორც მედია საშუალება იტყობინება, ნაციონალისტები მოედანზე ანტიისლამური შეძახილებით მივიდნენ. მშვიდობიანმა მომიტინგეებმა მათ საპასუხოდ ნაცისტები უწოდეს. ვითარება ხელჩართულ ჩხუბში გადაიზარდა.

რადიკალები სპეცრაზმმა წყლის ჭავლით დაშალა. ადგილზე ასევე სამხედრო ქვედანაყოფებია მობილიზებული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა