ავღანეთში ბაგრამის საავიაციო ბაზაზე დისლოცირებულმა საქართველოს შეიარაღებული ძალების II ქვეითი ბრიგადის 22-ე ბატალიონის „ბრავო“ ასეულის ჯარისკაცებმა ჰუმანიტარული ოპერაცია განახორციელეს. ქართველმა სამხედროებმა ჰუმანიტარული ტვირთი ბატალიონის სამოქმედო რაიონში, სოფელ პეტავაში სასწავლო სემესტრის განახლებასთან დაკავშირებით ჩაიტანეს.

ჰუმანიტარული ტვირთი 300 მოსწავლეზე იყო გათვლილი. ტვირთში შედიოდა სასკოლო ზურგჩანთები, კალმები, ფანქრები, ავღანეთისა და მსოფლიოს გეოგრაფიული რუკები, საგანმანათლებლო ბუკლეტები, ასევე საკანცელარიო ნივთები სკოლის პედაგოგებისთვის.

 ქართველი სამხედრო მოსამსახურეების გარდა ჰუმანიტარულ ოპერაციაში ავღანეთის ეროვნული არმიისა და ამერიკის საზღვაო ქვეითთა კორპუსის ქვედანაყოფები მონაწილეობდნენ. საჰაერო მხარდაჭერას „AH-64- აპაჩის" ტიპის საბრძოლო-მოიერიშე შვეულმფრენი უზრუნველყოფდა.

საქართველოს შეიარაღებული ძალების II ქვეითი ბრიგადის 22-ე ბატალიონი ავღანეთში მისიას 2015 წლის ოქტომბრიდან ასრულებს. „მტკიცე მხარდაჭერის" მისიაში მას V ქვეითი ბრიგადის 52-ე ბატალიონი რამდენიმე კვირაში ჩაანაცვლებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა