2025-11-17 09:38:49, 717 ნახვა
მსოფლიო
რუსეთმა ხარკოვის ოლქის ქალაქ ბალაკლიაზე იერიში მიიტანა, დაიღუპა 3, დაშავდა 10 ადამიანი
რუსეთის საოკუპაციო ძალებმა 17 ნოემბრის ღამეს ხარკივის ოლქის ქალაქ ბალაკლიაზე სარაკეტო იერიში მიიტანეს.
უკრაინის შს სამინისტროს წარმომადგენლის ვიტალი კარაბანოვის თანახმად, იერიშის შედეგად 3 ადამიანი დაიღუპა, 10 კი დაშავდა, მათ შორის არიან ბავშვები.
"დაშავებულთაგან ცხრა საავადმყოფოში გადაიყვანეს, ხოლო ერთი ამბულატორიულ მკურნალობას გადის. სამწუხაროდ, შესაძლოა, დაშავებულთა რიცხვი კვლავ გაიზარდოს", - ამბობს ის.
რუსეთმა ორი სარაკეტო დარტყმა ქალაქ ბალაკლიის ცენტრში მდებარე ორ საცხოვრებელ შენობაზე მიიტანა.
ავტორი: ექსპრესნიუსი,
epn.ge (@expressnews.ge)
