არგენტინაში რუსული ჯაშუშური ქსელი გამოავლინეს, რომელიც კრემლის მხარდამჭერი დეზინფორმაციის გავრცელებისა და საზოგადოებრივ აზრზე გავლენის მოხდენის მიზნით მუშაობდა. ინფორმაციას ქვეყნის დაზვერვის მონაცემებზე დაყრდნობით, პრეზიდენტის პრესსპიკერი, მანუელ ადორნი ავრცელებს.

"სადაზვერვო სამსახურმა არგენტინაში რუსეთის მოქალაქეების ჯგუფი გამოავლინა, რომლებიც, სავარაუდოდ, რუსეთის გეოპოლიტიკური ინტერესებიდან გამომდინარე საეჭვო საქმიანობაში იყვნენ ჩართულნი და მჭიდრო კონტაქტი ჰქონდათ არგენტინის მოქალაქეებთან". - თქვა ადორნიმ.

მისი თქმით, ჯაშუშური ქსელის მიზნებში შედიოდა, ყალბი ინფორმაციის გავრცელება სოციალურ ქსელებში, ზემოქმედება ადგილობრივ არასამთავრობო ორგანიზაციებზე, ფოკუს-ჯგუფების ჩატარება და პოლიტიკური ინფორმაციის შეგროვება, რომელიც "შესაძლოა გამოიყენონ რუსეთის ინტერესებისთვის".

არგენტინის ხელისუფლების ცნობით, ქსელს სახელწოდებით La Compania რუსეთის მოქალაქეები, ლევ ანდრიაშვილი და მისი ცოლი, ირინა იაკოვენკო მართავდნენ, რომლებიც არგენტინის რეზიდენტები არიან. მათივე თქმით, ისინი დაკავშირებულები არიან როგორც რუსეთის მთავრობასთან, ასევე კრემლის ცნობილ პროექტთან სახელწოდებით Лахта.

მანამდე, აშშ-ს სახელმწიფო ხაზინის დეპარტამენტი აცხადებდა, რომ პროექტ Лахта-ს ფარგლებში ხდებოდა აშშ-სა და ევროპის სხვადასხვა ქვეყნებში არჩევნებზე გავლენის მცდელობა. პროექტ Лахта-ს, რომელიც უფრო მეტად ე.წ. ტროლების ფაბრიკის სახელით არის ცნობილი, წლების განმავლობაში კსკ ვაგნერის დამფუძნებელი, ოლიგარქი ევგენი პრიგოჟინი ხელმძღვანელობდა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი