2025-06-19 12:32:56, 863 ნახვა
მსოფლიო
დიმიტრი პესკოვი - ირან-ისრაელის კონფლიქტში აშშ-ს ჩარევა ესკალაციის ახალ ეტაპს გამოიწვევს
ირან-ისრაელის კონფლიქტში აშშ-ს ჩარევა ესკალაციის ახალ ეტაპს გამოიწვევს, - ამის შესახებ კრემლის პრესსპიკერმა, დიმიტრი პესკოვმა განაცხადა.
„ეს გეოგრაფიის გაფართოებას გამოიწვევს. ჩვენ გვესმის განცხადებები, რომელსაც თეირანი აკეთებს. ეს ესკალაციის კიდევ ერთი საშინელი ეტაპი იქნება“, - განაცხადა დიმიტრი პესკოვმა.
მისი თქმით, რუსეთის პრეზიდენტს, ვლადიმერ პუტინს აქვს იმის შესაძლებლობა, რომ კონფლიქტში მხარეებს შუამავლობა გაუწიოს.
„ჩვენ ირანთან პარტნიორულ ურთიერთობებს, ხოლო ისრაელთან თანაბარ და ნდობით აღსავსე ურთიერთობებს ვინარჩუნებთ“, - აღნიშნა კრემლის პრესსპიკერმა.
ავტორი: ექსპრესნიუსი,
epn.ge (@expressnews.ge)
