2025-01-24 09:33:27, 536 ნახვა
ეკონომიკა
2024 წელს მთავრობამ საგზაო მოძრაობის წესების დარღვევაზე 218 მილიონის ჯარიმები აკრიფა
2024 წლის განმავლობაში სახელმწიფომ საგზაო მოძრაობის წესების დარღვევისთვის დაწერილი ჯარიმების აკრეფით რეკორდული 218 მილიონი ლარის შემოსავალი მიიღო. ამის შესახებ ფინანსთა სამინისტროს ხაზინის მიერ გამოქვეყნებული ანგარიშიდან ირკვევა.
დოკუმენტის თანახმად, დაწერილი ჯარიმებიდან 87 მილიონი ლარი შევიდა ცენტრალური მთავრობის ბიუჯეტში, 131 მილიონი ლარი კი ადგილობრივი თვითმმართველობების ბიუჯეტში.
შედარებისთვის, 2023 წლის განმავლობაში საგზაო მოძრაობის წესების დარღვევისთვის გამოწერილი ჯარიმების მოცულობა 216 მილიონი ლარი იყო, შესაბამისად ამ მიმართულებით დაწერილი საჯარიმო შემოსავლები წელს 2 მილიონით გაიზარდა.
ავტორი: ექსპრესნიუსი,
epn.ge (@expressnews.ge)
