გალა კონცერტი, გრანდიოზული შოუ და ფეიერვერკი. ეგვიპტეში, მრავალწლიანი რესტავრაციის შემდეგ, აღნიშნეს კარნაკისა და ლუქსორის ტაძრებს შორის გადაჭიმული სფინქსების უძველესი ხეივნის გახსნა. ახლად დაგებულ და რესტავრირებულ გზაზე 1200 სფინქსის ქანდაკება აღდგა.

მეცნიერები თვლიან, რომ 2700 მეტრი სიგრძის ხეივანი ძირითადად ფარაონთა მე-18 დინასტიის მეფობის დროს აშენდა (დაახლოებით ძვ.წ. XVI საუკუნეში). ოდესღაც ის საზეიმო მსვლელობის ადგილად მსახურობდა. ხეივანმა დასრულებული ფორმა ჩვენს წელთაღრიცხვამდე IV საუკუნეში მიიღო. 

დროთა განმავლობაში ბევრი ქანდაკება ან დაზიანდა ან ქვიშის სისქის ქვეშ გაუჩინარდა. უძველესი ხუროთმოძღვრების ძეგლის რესტავრაცია გასული საუკუნის ორმოციან წლებში დაიწყო. შემდეგ ზოგიერთი ქანდაკება იპოვეს და აღადგინეს. ფართომასშტაბიანი სამუშაოები 2010 წელს დაიწყო.

თერთმეტი წლის შემდეგ სფინქსების ხეივანი დაუბრუნდა პირვანდელ ისტორიულ სახეს. ეგვიპტის ხელისუფლება იმედოვნებს, რომ ამ ისტორიული კომპლექსის გახსნა ქვეყანაში კიდევ უფრო მეტ ტურისტს მოიზიდავს.

ავტორი: ექსპრესნიუსი,

სოციალური ქსელები

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება

ბაზისბანკმა ლიბერთი ბანკის შეძენა წარმატებით დაასრულა