2017-01-16 13:58:04, 2005 ნახვა
პოლიტიკა კომენტარი
მინაშვილი: პარტიიდან გასულები პროცედურული ხრიკებისა და თაღლითობის გზას მიმართავენ
„ერთიანი ნაციონალური მოძრაობა“ ფრაქციაში განხორციელებულ ცვლილებებთან დაკავშირებით დღეს პარლამენტის ბიუროს მიმართავს.
როგორც პარტიის ერთ-ერთი ლიდერი აკაკი მინაშვილი აცხადებს, ყოფილი თანაგუნდელების ქმედებები პროცედურული ხრიკებია.
„მათი მოქმედების მთავარი ხაზი არის პროცედურული ხრიკები და ის, რომ დღეს ისინი არიან „ნაციონალური მოძრაობის“ ფრაქციაში, როდესაც 12-ში განაცხადეს, რომ პარტიიდან გადიან და ფაქტი იმისა, რომ დღეს კიდევ საპარლამენტო სამსახურებს ეუბნებიან, რომ ჯერ კიდევ პარტიის წევრები არიან, რბილად რომ ვთქვათ, არასწორია. სამწუხაროა რომ მათ ეს გზა აირჩიეს", - განაცხადა აკაკი მინაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
