„ჩვენი მიზანია, რომ სწორი ფორმატი ჩამოვაყალიბოთ  და სწორედ  ასეთი ფორმატია შემოთავაზებული“,-ამის შესახებ პარლამენტის თავმჯდომარემ ირაკლი კობახიძემ საკონსტიტუციო კომისიის მუშაობის ვადებთან დაკავშირებით პლენარულ სხდომაზე განაცხადა.

როგორც პარლამენტის სპიკერმა სხდომაზე აღნიშნა, სწორი ფორმატითა და სწორი სამუშაო გეგმით, შესაძლებელია ოთხი თვის ვადაში საკონსტიტუციო კომისიის  კანონპროექტის გადასინჯვის მომზადება. 

„ვინც იცნობს წინა კომისიების მუშაობის  გამოცდილებას, დამეთანხმება, რომ 4 თვიანი ვადა არ არის შემჭიდროებული ვადა. ეს არის საკმაოდ რაციონალური ვადა. წინა საკონსტიტუციო კომისიამ სამი წელი მოანდომა მუშაობა. 

მე პირდაპირ შემიძლია გითხართ, რომ კიდევ სამი წლით, რომ გაეგრძელებინათ იმ კომისიის მუშაობის ვადა, მაინც არ დასრულდებოდა  შედეგით და იმას ჰქონდა თავისი კონკრეტული მიზეზი.  მიზეზი იყო ის, რომ ზუსტად არასწორი ფორმატით ჩამოყალიბდა მაშინ საკონსტიტუციო კომისია.  თავის დროზე ვამბობდი, მაშინ როგორც ექსპერტი. ვამბობდი, რომ დარღვეული იყო პრინციპები.

რაც შეეხება ოთხ თვიან ვადას, კიდევ ერთხელ შეგვეძლო გაგვეგრძელებინა ეს ვადა, არსად არ გვეჩქარება. თუმცა ერთი ამოცანა გვქონდა, ძალიან ბევრი სპეკულაციაა, არამარტო სპეკულაცია.  მათ შორის ობიექტური ლოგიკიდან გამომდინარე მოსაზრებები გვესმოდა იმასთან დაკავშირებით, რომ საკონსტიტუციო უმრავლესობა შეიცავს გარკვეულ საფრთხეს. ჩვენი ამოცანა არის შემდეგი, გვინდა რომ რაც შეიძლება მალე  დასრულდეს ასეთი საუბრები“,-განაცხადა ირაკლი კობახიძემ.

მისივე თქმით, რაც უფრო მეტად იქნება გაგრძელდება კომისიის მუშაობა, ის ნაკლებად ეფექტური იქნება.

„ჩვენ გვინდა  დავხვეწოთ კონსტიტუცია და ვაჩვენოთ ყველას, რომ გვაქვს  შესაბამისი პოლიტიკური ნება.  არანაირ საფრთხეს არ შეიცავს საკონსტიტუციო უმრავლესობა არსებული სახით. გამომდინარე იქიდან რომ საკონსტიტუციო  უმრავლესობა მოქმედებს პოზიტიური პოლიტიკური ნებით. ჩვენ გვინდა ეს რაც შეიძლება მალე. კიდევ ერთხელ ოთხ თვიანი ვადა არის  რაციონალური ვადა, გაგრძელებას არაფერი არ უდგას წინ, თუმცა  რაც მეტად გავაგრძელებთ კომისიის მუშობას, მე დარწმუნებული ვარ უფრო მეტად არაეფექტური იქნება. ამ ვადის ფარგლებში არის შესაძლებელი დახვეწილი, დოკუმენტის მომზადება“,-განაცხადა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს