2025-04-04 13:41:53, 1136 ნახვა

---

ანდრეი სიბიგა - უკრაინა არ მიიღებს რუსეთის მოთხოვნას ჩვენი ქვეყნის ნატო-ში არგაწევრიანების შესახებ

უკრაინა არ მიიღებს რუსეთის მოთხოვნას ჩვენი ქვეყნის ნატო-ში არგაწევრიანების შესახებ, – ამის შესახებ უკრაინის საგარეო საქმეთა მინისტრმა, ანდრეი სიბიგამ განაცხადა.

სიბიგას განცხადებით, უკრაინა რჩება პოზიციაზე, რომ სამშვიდობო მოლაპარაკებების ფარგლებში შეუძლებელია ნატო-ში გაწევრიანების საკითხზე დათმობაზე წასვლა. მისივე თქმით, მოკავშირე სახელმწიფოების კოლეგებს აცნობა კიევის პრინციპული პოზიცია ნატო-ში გაწევრიანებასთან დაკავშირებით.

„არსებობს ფუნდამენტური საკითხები, რომლებსაც უკრაინა არ მიიღებს“, – განაცხადა სიბიგამ.

უკრაინის საგარეო უწყების ხელმძღვანელმა აღნიშნა, რომ უკრაინის ნატო-ში გაწევრიანება არ არის მოკლევადიანი მიზანი.

„ჯერ არ არის კონსენსუსი, მაგრამ ეს არ არის დაკავშირებული სხვა ქვეყნის, მაგალითად, რუსეთის ვეტოსთან“, – განაცხადა სიბიგამ.

როგორც სიბიგა აღნიშნავს, დარწმუნებულია, რომ უკრაინის ალიანსში გაწევრიანება სჭირდება არა მხოლოდ თავად უკრაინას, არამედ რეგიონს.

„ჩვენი უსაფრთხოებისა და ტრანსატლანტიკური უსაფრთხოების უზრუნველყოფის ყველაზე ეფექტური გზა, არის ჩვენი ნატო-ში გაწევრიანება“, – განაცხადა სიბიგამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი