"რუსულ ბაზარზე შეიძლება, დამატებით ასობით მილიონის პროდუქცია გავიდეს", - ამის შესახებ რუსეთთან ურთიერთობის საკითხებში პრემიერ-მინისტრის სპეციალურმა წარმომადგენელმა ზურაბ აბაშიძემ ჟურნალისტებს მთავრობის ადმინისტრაციაში განუცხადა.

მისივე თქმით, რუსეთის საგარეო საქმეთა მინისტრის მოადგილე გრიგორი კარასინთან შეხვედრაზე სავაჭრო-ეკონომიკურ ურთიერთობებზე, სატრანსპორტო კავშირებსა და ჰუმანიტარულ საკითხებზე იქნება საუბარი.

ამასთან, აბაშიძის ინფორმაციით, ეკონომიკის სამინისტრო შეარჩევს ექსპერტს, რომელიც აბაშიძე-კარაისინის ფორმატში შეხვედრას დაესწრება.

"შეხვედრაზე საუბარი გვექნება სავაჭრო-ეკონომიკურ ურთიერთობებზე, სატრანსპორტო კავშირებსა და ჰუმანიტარულ საკითხებზე. ეკონომიკის სამინისტრო შეარჩევს ექსპერტს, რომლის დასწრებაც, ვფიქრობ ლოგიკური იქნება. მრავალი თემაა,  სოფლის მეურნეობის სამინისტროა დაინტერესებული ამ საკითხების განხილვით.  საუბარია ჩვენი პროდუქციის ექსპორტზე. რუსეთის ბაზარზე ჩვენი პროდუქციის რაღაც ნაწილი ჯერ არ გადის. ეს პროდუქცია რუსეთში რომ  გავიდეს, ამაზე განხილვა მიდის. საკმაოდ დიდ მოცულობაზეა საუბარი. შეიძლება, რუსეთის ბაზარზე  დამატებით ასობით მილიონის პროდუქცია  შევიდეს", - აღნიშნა აბაშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal