2015-04-08 12:29:27, 498 ნახვა
საზოგადოება
საქართველო National Geographic-ის 50 ყველაზე საინტერესო ქვეყანათა სიაში მოხვდა
საქართველო National Geographic-ის 50 ყველაზე საინტერესო ქვეყანათა სიაში მოხვდა, - ამის შესახებ გიორგი კვირიკაშვილმა მთავრობის სხდომის დასრულების შემდეგ ჟურნალისტებთან საუბრისას განაცხადა.
მისივე თქმით, ეს გადაწყვეტილება ხელს შეუწყობს ტურიზმის განვითარებას საქართველოში.
„ერთი ძალიან სასიხარულო ინფორმაციაა, National Geographic Traveller-მა საქართველო შეიყვანა მსოფლიოს 50 ყველაზე საინტერესო ტურისტულ მიმართულებათა სიაში. რის შესახებაც გადაწყვეტილება უკვე მიღებულია, ვფიქრობ, რომ ეს ძალიან დაეხმარება საქართველოს ტურიზმის განვითარებაში... საქართველოს საერთაშორისო ტურისტული იმიჯის დამკვიდრებისთვის“,- განაცხადა კვირიკაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
