საქართველოში რიგით მერვე საერთაშორისო კონკურსი „ალიანტე“ იწყება. 

ამის შესახებ ჟურნალისტებს ნატო–სა და ევროკავშირის შესახებ საინფორმაციო ცენტრის დირექტორმა ელენე გოცაძემ, თავდაცვის სამინისტროს საერთაშორისო ურთიერთობათა დეპარტამენტის უფროსმა ირაკლი ყოჩაშვილმა და კონკურს „ალიანტეს“ კოორდინატორმა ნათია ცვარიანმა აცნობეს. 

კონკურსს არასამთავრობო ორგანიზაცია „საქართველოს ახალგაზრდული ორგანიზაცია ნაციონალური საბჭო“ ახორციელებს. 

„ალიანტე“ 15–დან 19 წლამდე ასაკის ახალგაზრდებისგან შემდგარი 2 წევრიანი გუნდების კონკურსია, რომელიც სკოლის მოსწავლეებსა და სტუდენტებზეა გათვლილი. 

როგორც ნატო–სა და ევროკავშირის შესახებ საინფორმაციო ცენტრში აცხადებენ, პროექტის მიზანია, ახალგაზრდებში ევროატლანტიკური ალიანსის შესახებ ცნობიერების ამაღლება.

მათივე ცნობით, კონკურსი 4 რაუნდად განხორციელდება. I და  II რაუნდი ზოგადად ცოდნაზე დაფუძნებული კითხვებისგან შედგება. გამარჯვებული გუნდები ეროვნულ ფინალში ერთმანეთს  ფიზიკურ გამძლეობასა და სხვადასხვა დაბრკოლებების გადალახვაში შეეჯიბრებიან. 

საერთაშორისო ფინალი ლიტვაში გაიმართება. ფინალში გამარჯვებული 5 გუნდი საქართველოს სხვადასხვა კუთხეს მოინახულებს. 

პროექტის საერთაშორისო მხარდამჭერები არიან: ჩეხეთის საგარეო საქმეთა სამინისტრო, ლიტვისა და საქართველოს თავდაცვის სამინისტროები და საინფორმაციო ცენტრი ნატო–სა და ევროკავშირის შესახებ.
„ალიანტე“ უკვე 14 წელია ტარდება. საქართველო ამ კონკურსს 2008 წელს შეუერთდა. მასში ყოველწლიურად ათასობით ქართველი ახალგაზრდა მონაწილეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი