ონლაინ სესხების გაცემა აიკრძალება და მსგავსი ტიპის ბიზნეს მოდელი აღარ იმუშავებს. ამ საკითხზე დეტალური განმარტება არ გაკეთებულა, თუმცა როგორც ირკვევა, მომხმარებელს სესხის ასაღებად განაცხადის გაკეთება ადგილზე,  საფინანსო ორგანიზაციის ოფისში მოუწევს. როგორც მთავრობაში განმარტავენ, ონლაინ სესხის გაცემის აკრძალვა მოქალაქეს გარკვეულ რისკებს თავიდან ააცილებს.

ფინანსთა მინისტრის დიმიტრი ქუმსიშვილის განცხადებით, ცვლილებები მიკროსაფინანსო ორგანიზაციებს არ ეხებათ:

„ონლაინ სესხები იმდენად არაჯანსაღია ეკონომიკისთვის, საპროცენტო განაკვეთები, რომელიც ონლაინ სესხებს გააჩნია და შემდგომში რა მდგომარეობაშიც ვარდებიან ჩვენი თანამოქალაქეები, ვითომ სწრაფად აღებული სესხის გამო, ჩვენ ბევრი ვიმსჯელეთ გუნდის შიგნით, საბოლოო დასკვნამდე მივედით, რომ ასეთი ტიპის ბიზნეს მოდელი არ მუშაობდეს. ეს არ ეხება მიკროსაფინანსო ორგანიზაციებს”,-განაცხადა დიმიტრი ქუმსიშვილმა.

ეროვნულ ბანკთან ერთად მთავრობა მომხმარებელთა უფლებების დაცვის პაკეტს ამზადებს. უფრო კონკრეტულად რა სახის ცვლილებები იგეგმება, ამ პაკეტის შემუშავების შემდეგ გახდება ცნობილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული