"პატრიოტთა ალიანსის" ერთ-ერთი ლიდერის ირმა ინაშვილის განცხადებით, პარტია მინისტრთა კაბინეტიდან რამდენიმე კანდიდატურას მხარს არ დაუჭერს.

ინაშვილის განმარტებით, "პატრიოტთა ალიანსი" მხარს გიგლა აგულაშვილს, მიხეილ გიორგაძეს და დიმიტრი ქუმსიშვილს არ დაუჭერენ.

„საქმე იმაშია, რომ წარმოდგენილი მინისტრთა კაბინეტიდან რამდენიმე კანდიდატურას ცალსახად არ ვუჭერ მხარეს. მაგალითად, გარემოს დაცვის მინისტრს - აგულაშვილს მხარს არ დავუჭერთ, ხე-ტყე მასიურად იჭრება, მასიური კორუფციაა ამ სფეროში. ასევე მან პასუხი უნდა აგოს საგარეჯოს არჩევნების გაყალბებისთვის.

მხარს არ დავუჭერთ კულტურის მინისტრსაც, რომელმაც საყდრისი დაანგრია და საყდრისოს ნგრევას ხელი მოაწერა, ეს დანაშაული გამოძიებული უნდა იყოს და კულტურის ამჟამინდელმა მინისტრმა პასუხი უნდა აგოს ჩადენილი დანაშაულისთვის.  ჩვენ მხარს არ დავუჭერთ დიმიტრი ქუმსიშვილსაც“, - განაცხადა ინაშვილმა.

როგორც ინაშვილმა აღნიშნა, „პატრიოტთა ალიანსი“ მთავრობაზე პასუხისმგებლობას ვერ აიღებს.

„თუ საერთო ჯამში ვსაუბრობთ, ამ მთავრობას ჩვენი მხრიდან არ ექნება მხარდაჭერა. პასუხისმგებლობას ვერ ავიღებთ ამ გუნდზე. ჩვენ არ ვართ ხელისუფლებაში,  რომ შეგვეძლოს გუნდის წარმოდგენა,რომელზეც პასუხისმგებლობას ავიღებდით“,- განაცხადა ირმა ინაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი