აჭარის  მთავრობის თავმჯდომარე ზურაბ პატარაძე ბათუმში ირანის ისლამური რესპუბლიკის გენერალურ კონსულს, ბატონ ჰოსეინ მაშჰადს შეხვდა.

აჭარის მთავრობის პრესსამსახურის ინფორმაციით, შეხვედრა გაცნობითი ხასიათის იყო.

მათივე ინფორმაციით, ზურაბ პატარაძემ და ჰოსეინ მაშჰადმა საქართველოსა და ირანის ისლამურ რესპუბლიკას შორის არსებული ურთიერთობები და თანამშრომლობის სფეროები განიხილეს.

მხარეებმა გამოთქვეს სურვილი, რომ კიდევ უფრო გაღრმავდეს თანამშრომლობა სავაჭრო-ეკონომიკური, პოლიტიკური და კულტურულ-ჰუმანიტარული ურთიერთობების მიმართულებით.

აგრეთვე ისაუბრეს თანამშრომლობის გაღრმავებაზე უნივერსიტეტებს შორის, გამოცდილების გაზიარების თვალსაზრისით.

დაიგეგმა ბიზნეს-ფორუმების გამართვა რეგიონულ ჭრილში. საუბარი შეეხო სოფლის მეურნეობის კუთხით, განსაკუთრებით მაღალმთიან აჭარაში, ირანელი ბიზნესმენების მოზიდვას, ახალი ინოვაციური პროექტების დანერგვას, ერთობლივი საწარმოების დაარსებას. ისაუბრეს ტურიზმის სფეროში თანამშრომლობის შემდგომი განვითარების პერსპექტივებზე.

„ჩვენთვის მნიშვნელოვანია თანამშრომლობა კულტურულ-ჰუმანიტარული, სავაჭრო-ეკონომიკური და ტურიზმის მიმართულებით ირანთან, რომელიც არის დიდი კულტურის და ცივილიზაციის მქონე ქვეყანა. ვფიქრობ, ურთიერთთანამშრომლობა, რომელიც რეგიონულ ჭრილში ჩვენ შორის არსებობს, კიდევ უფრო გაღმავდება და იქნება ნაყოფიერი" - აღნიშნა ზურაბ პატარაძემ.

ირანი აჭარისთვის ერთ-ერთი საინტერესო ტურისტული ბაზარია, საიდანაც ვიზიტორების რაოდენობა უვიზო მიმოსვლის აღდგენის შემდეგ განსაკუთრებით გაზრდილია.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი