საქართველოს შეიარაღებულ ძალებში ყოველწლიური საკალათბურთო ტურნირი გაიმართა. შეჯიბრებაში მონაწილეობა აღმოსავლეთ და დასავლეთ სარდლობის ქვედანაყოფებმა, გენერალურმა შტაბისა და სამხედრო პოლიციის დეპარტამენტის სამხედრო მოსამსახურეებმა მიიღეს. გენერალური შტაბის გუნდში გენერალ-მაიორმა ვახტანგ კაპანაძემ იასპარეზა.

ათმა გუნდმა ოლიმპიური სისტემით ითამაშა, რის შემდეგაც მათგან სამი საუკეთესო გამოვლინდა. პირველ ადგილისთვის ბრძოლაში გენერალური შტაბის გუნდმა ხონის II საარტილერიო ბრიგადის გუნდი ანგარიშით, 40 – 36 დაამარცხა. მესამე ადგილის მფლობელი ქუთაისის III ქვეითი ბრიგადა გახდა.

საპრიზო ადგილებზე გასულ გუნდებს შესაბამისი მედლები გადაეცათ, ხოლო, პირველ ადგილზე გასულმა გენერალური შტაბის გუნდმა მედლებთან ერთად სპეციალური თასიც მოიპოვა.

საკალათბურთო ტურნირი თავდაცვის სამინისტროს სპორტულ-გამაჯანსაღებელ დარბაზ „ორბში“ ჩატარდა. სპორტულ შეჯიბრებას ორგანიზება საქართველოს შეიარაღებული ძალების გენერალური შტაბის უზრუნველყოფის ცენტრის სპორტული ღონისძიებების დაგეგმვისა და ფიზიკური მომზადების შეფასების სამმართველომ გაუწია.

(ns)
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული